[台北] 香港 Ray 台北同志遊記 #2 Gstar & Commander D (2013年04月)

前篇 [台北] 香港 Ray 台北同志遊記 #1 Aniki Club Foam Party (2013年04月)

講得太多娛樂性行為，都係轉話題講下去bar去disco去clubbing，以免其他衞士之道投訴罷睇。今次小弟再訪G*star。其實G*star已經變成local人及遊客其中一間至愛嘅disco，尤其小弟遇到嘅台北波友，都話G*star D客堅係正，年輕有身才唔cam，唔似得另外D老牌club變成妹妹仔冒險樂圓或熊club（小弟絕無冒犯之意，只是唔係本人喜好）。講番G*star，小弟星期六晚 約11時到，已經人山人海，D人堅係正，確實後生得來又陽光味重，而且又友善，另外有一兩件staff更加係小弟杯茶，勁man又大隻，未飲醉都暈暈地。飲得兩杯落肚，小弟high high 地就走到舞池跳舞，D人都玩得開始high，開始有人除衫。因係foam party玩得太顛，小弟都無玩得太夜！煩帶一提G*star D收費勁抵，週六才收新台幣500，仲包兩杯cocktail！

上回提到台北有間以SM為主題嘅酒吧Commander D，雖然小弟並不太好SM，但因好奇而且上次飲醉被綁起玩事件勁high所以今次決定再去，並預先著定性感黑色透視小底褲，等被人除衫褲時露出其他人覺high D（呢間bar唔可以全裸）。小弟週五晚約11時半去到，唔知係咪有活動進行（有D著底褲嘅男仔上台跳舞），嗰晚勁多人，勁迫，攪到小弟有D失望（原來應該開心嘅，但小弟一心被人除衫玩……咁多人點玩呀！）。不過好彩D人質數唔差，個bar tender又仲係咁靚仔。如果各位酒量好似我咁差，係呢間bar飲酒要小心，因呢間bar勁老實，D調酒超少冰又勁濃，飲得兩杯小弟又再次比人發現wing哂又發姣，於是………又比人除衫褲綁住玩……..好彩台北朋友和酒吧員工對我照顧有加，都唔係玩得太過份。小弟極力推介各好SM或對SM好奇唔抗拒嘅member去Commander D玩，包你大開眼界。

離開瘋狂嘅台北，小弟下一站到大阪玩。玩乜？都不外乎飲飲食食，同埋為港爭光（其實係咪調轉咗？！）。今次小弟去了兩間gay sauna，等小弟下篇文章分享一下。